ప్రముఖ నటుడు రవి శివ తేజ.. నెటిజన్స్ కు ఇతని గురించి ప్రత్యేకంగా చెప్పాల్సిన అవసరం లేదు. యూట్యూబ్ లో వీడియోల ద్వారా చాలా పాపులర్ అయ్యాడు రవి శివ.
షార్ట్ ఫిలిమ్స్ ద్వారా పాపులర్ అయ్యాడు.. తన కామెడీ టైమింగ్ తో ప్రేక్షకులను విశేషంగా ఆకట్టుకున్నాడు రవి శివ తేజ. తాజాగా ఓ ఇంటర్వ్యూలో రవి శివ తేజ తన నటన గురించి, తన ప్రయాణం గురించి, అలాగే నటుడు కిరణ్ అబ్బవరంపై తనకున్న అభిప్రాయాల గురించి పంచుకున్నారు. నటన అనేది శిక్షణతో వచ్చేది కాదని, అది పుట్టుకతోనే రావాలని ఆయన గట్టిగా నమ్ముతా అని తెలిపారు. యాక్టింగ్ ఇన్స్టిట్యూట్లలో నేర్చుకోవడం కన్నా, ప్రపంచంలో దూకి, అక్కడే అనుభవం ద్వారా నేర్చుకున్న వారికి సహజత్వం ఎక్కువగా ఉంటుందని ఆయన అభిప్రాయపడ్డారు.
బయటి నుండి నేర్చుకోవడం వల్ల అది కృత్రిమంగా కనిపిస్తుంది. కెమెరా ఏ నటుడు నిజాయితీగా ఉన్నాడో, ఎవరు నటిస్తున్నాడో సులభంగా పసిగట్టేస్తుందని ఆయన అన్నారు. నటన పాఠశాలలు ఉన్న ప్రతిభను మెరుగుపరచడానికి మాత్రమే ఉపయోగపడతాయే కానీ, లేని నైపుణ్యాన్ని సృష్టించలేవని ఆయన వివరించారు. కామెడీ చేయడం కష్టమైన పని అని సాధారణంగా అంటుంటారు, అయితే రవి శివ తేజకు కామెడీ సులభమైనదిగా అనిపిస్తుంది. రాజేంద్రప్రసాద్ గారు ఒకసారి చెప్పిన మాటను గుర్తుచేస్తూ, నవ్వించడం అనేది చిన్న విషయం కాదని, దానికి సరైన టైమింగ్ అవసరమని అన్నారు. తన సినీ ప్రయాణం గురించి మాట్లాడుతూ, తాను ఎప్పుడూ నటనకు సంబంధించిన క్లాసులకు వెళ్లలేదని రవి శివ తేజ స్పష్టం చేశారు. షార్ట్ ఫిల్మ్స్ చేస్తూనే తన నటనను మెరుగుపరచుకున్నానని, ముఖ్యంగా తనలోని కామెడీ టాలెంట్ను తన సోదరుడు గుర్తించి ప్రోత్సహించాడని తెలిపారు.
షార్ట్ ఫిల్మ్స్ ద్వారానే నటుడిగా ఎదిగి, ఈ స్థాయికి వచ్చానని ఆయన చెప్పారు. రవి శివ తేజ అనేక మంది నూతన తరం నటులను చూశారు. వారిలో కిరణ్ అబ్బవరం పేరును ఆయన ప్రత్యేకంగా ప్రస్తావించారు. కిరణ్తో కలిసి తాను షార్ట్ ఫిల్మ్స్ చేశానని, అప్పటి నుండి కిరణ్ స్వభావం మారలేదని రవి శివ తేజ తెలిపారు. స్టార్ హీరోగా ఎదిగిన తర్వాత కూడా కిరణ్ నిరాడంబరంగానే ఉంటాడని, తనను ఎప్పుడూ రవి అన్న అనే పిలుస్తాడని ఆయన కొనియాడారు. కిరణ్ అహంకారం లేని వ్యక్తిత్వం తనకు ఎంతో నచ్చుతుందని, అతను ఎప్పుడూ సానుకూలంగా ఆలోచిస్తాడని అన్నారు. కిరణ్ ఎన్నో విమర్శలను ఎదుర్కొన్నప్పటికీ, వాటికి తన లతోనే సమాధానం చెప్తాడని నిశ్చయించుకున్నాడని, ఇది కిరణ్ గొప్ప లక్షణమని రవి శివ తేజ వివరించారు. కిరణ్ అబ్బవరం భవిష్యత్తులో గొప్ప స్టార్ అవుతాడని ఆయన ధీమా వ్యక్తం చేశారు. కిరణ్ ఇటీవల నిర్మాతగా మారి తిమ్మరుసు ను టీవీలో నిర్మించాడని, డైరెక్షన్ లోకి కూడా అడుగుపెట్టబోతున్నాడని రవి శివ తేజ పేర్కొన్నారు. గోపీనాథ్ రెడ్డి, వైష్ణవి చైతన్య, మౌనిక, కమెడియన్ బబ్లూ వంటి ఇతర నటీనటులు కూడా తమతో పాటు ప్రయాణించి ఈరోజు మంచి స్థానంలో ఉన్నారని ఆయన గుర్తు చేసుకున్నారు.